आर्थिक सशक्तिकरण परियोजना अन्तरगत वालिङ ८ मा अन्तरक्रिया ।

आँधीखोला खवर/वालिङ :
वालिङ नगरपालिकामा सञ्चालित “सीप तालिम कृषि तथा उद्यम बिकासद्धारा आर्थिक सशक्तिकरण परियोजना अन्तरगत वडा नम्वर ८ मा अन्तरक्रिया कार्यक्रम सम्पन्न भएको छ ।
कार्यक्रममा वडा अध्यक्ष कमल प्रसाद सुवेदीले कृषकहरुले फरक—फरक बस्तुहरु उत्पादन गर्दा बजारीकरणमा सहज हुने बताउनु भयो । उहाँले भन्नुभयो, “बजार र समयको मागलाई मध्य नजर गरेर खेती गर्दा सहजै बजार पाईन्छ । ”

वडा नम्वर ८ वालिङको राजधानी भएको भन्दै अध्यक्ष सुवेदीले वडाबासीलाई भन्नुभयो, “वालिङको विशेषता झल्कने गरी उत्पादनमा गर्नुहोस् बजारीकरणको जिम्मा हामी लिन्छौं । ”
कार्यक्रममा नगरकार्यपालिका सदस्यहरु युगमाया पंगेनी र गीता रनपाल, वडा सदस्य चेतनारायण श्रेष्ठ, नगर गुनाशो व्यवस्थापन समितिका संयोजक भुपराज बगाले लगायतले कार्यक्रमका बारेमा बोलेका थिए ।
परियोजना प्रमुख राधाकृष्ण डुम्रेले कार्यक्रमका बारेमा जानकारी गराउनु भएको थियो । अन्तरक्रिया कायक्रमको सञ्चालन बजार प्रमुख गंगाधर खनाल राजुले गर्नु भएको थियो ।