वालिङ ४ एलादीमा महिलाको प्रजनन् सम्बन्धी निशुल्क शिविर सम्पन्न ।

आँधीखोला खवर/वालिङ :
वालिङ नगरपालिका वडा नम्वर ४ एलादीमा महिलाको प्रजनन् सम्बन्धी निशुल्क शिविर सम्पन्न भएको छ । जिल्ला जनस्वास्थ्य कार्यालय स्याङ्जाको आयोजना तथा वालिङ नगरपालिकाको समन्वयमा शिविर गरिएको हो
हिमाली माविमा भएको शिविरमा ११३ जना महिलाले स्वास्थ्य परिक्षण गराएका एलादी स्वास्थ्य चौकीका अहेब सार्दुल अर्यालले जानकारी दिनुभयो । शिविरमा स्त्रि रोग विशेषज्ञ डाक्टर नारायण ओझा सहतिको टोलीले महिलाहरुको स्वास्थ्य परिक्षण गरेको थियो ।
शिविरमा अधिकांश महिलाहरुमा सेतो पानी बग्ने समस्या बढी भेटिएको स्वास्थ्यकर्मीहरुले बताएकाछन् । शिविरमा महिलाको समस्याका बारेमा परामशर्क दिनुका सार्थ निशुल्क औषधी समेत वितरण गरिएको थियो ।

शिविरको उद्दघाटन गर्दै गण्डकी प्रदेशका विधायन समिति सभापति मोहन रेग्मीले गाँउ—गाउमा आयोजना हुने स्वास्थ्य शिविरले स्थानीय जनतालाई निक्कै सहज हुने बताउनु भयो । स्वास्थ्य प्रतिको जनचासो बढेको भन्दै सांसद रेग्मीले आफूहरु जनताको स्वास्थ्य प्रति सचेत रहेको धारणा राख्नुभयो ।
कार्यक्रममा वालिङ नगरपालिकाका प्रमुख दिलिपप्रताप खांणले महिलाहरु स्वास्थ्य प्रति संवेदनशील बन्नुपर्ने भन्दै नियमित स्वास्थ्य परिक्षण गर्नु सवैलाई आग्रह समेत गर्नुभयो ।
सामुदायिक नर्सिङ अधिकृत मनकुमारी ओझाले शिविरका बारेमा जानकारी गराउनुभएको थियो । वालिङ नगरपालिका वडा नं ४ का अध्यक्ष रनध्वज गुरुङको अध्यक्षतामा सम्पन्न कार्यक्रममा स्वागत जिल्ला जनस्वास्थ्य कार्यालयका परिवार नियोजन अधिकृत मित्रबन्धु अर्याल र सञ्चालन एलादी स्वास्थ्य चौकीका अहेब सार्दुल अर्यालले गर्नुभएको थियो ।

Facebook Comments Box