पोखरा महानगरपालिकाको कार्यालयमा कांग्रेसले लगायो ताला ।

कास्की – पोखरा महानगरपालिकाले ल्याएको बजेटप्रति असहमति जनाउँदै आएका कांग्रेसबाट निर्वाचित जनप्रतिनिधिहरुले महानगरपालिकाको कार्यालयमा ताला लगाइदिएका छन् । 

बजेट विनियोजनमा विभेद गरेको आरोप लगाउँदै नगरसभा स्थल पोखरा सभागृह हलमा बजेट किताब च्यातेर बाहिरिएका थिए । तालाबन्दी पछि कांग्रेस जनप्रतिनिधिहरुले महानगरपालिकाको मूल गेट अगाडि प्रदर्शनसमेत गरेका छन् । कांग्रेस जनप्रतिनिधिहरुको तालाबन्दी र प्रदर्शनको कारण महानगरपालिकाको दैनिक कामकाज प्रभावित भएको छ । 

महानगरपालिकाले ल्याएको बजेट वितरण समानुपातिक नभएको र भविष्यमा हुने कास्की क्षेत्र नम्बर २ को उपनिर्वाचनलाई लक्षित गरी बजेट ल्याइएको कांग्रेसबाट निर्वाचित वडाध्यक्ष शंकर बास्तोलाले आरोप लगाउनुभएको छ । महानगरपालिकाले भने कांग्रेसका जनप्रतिनिधिहरु बजेट किताब च्यातेर बाहिरिएका भए पनि बहुमतले बुधबार नै बजेट पारित गरेको छ । १ सय ७० सदस्य रहेको पोखराको नगरसभामा ४८ जना काँग्रेसका सदस्य छन् भने बाँकी सबै नेकपाका हुन् ।

बजेट पारित भए पनि यसलाई नसच्याउने हो भने निरन्तर आन्दोलन गर्ने र कार्यान्वयन हुन नदिने चेतावनी कांग्रेसतर्फका जनप्रतिनिधिहरुले दिएका छन् । नेकपाले जितका वडामा धेरै बजेट पारिएको र कांग्रेसले जितेका वडामा कम बजेट पारिएको आरोप पनि कांग्रेसको छ । पोखरा महानगरपालिकाका प्रमुख मानबहादुर जिसीले बजेटमा कुनै विभेद नभएको दाबी गर्नुभएको छ । 

Facebook Comments Box

सेरोफेरो

थप सामाग्री

स्याङ्जामा बाँदर आतंक ‘पाकेको बाली भित्राउनै पाउँदैनन् किसान’

सहकारीको ऋण समयमै चुक्ता नगरे कडा कानुनी कारबाही गरिने

वालिङले ‘एक स्वास्थ्य’ नीति लागू गर्ने

समाचार

थप सामाग्री
अपराध नियन्त्रण र अनुसन्धानमा सघाउन अर्जुनचौपारीमा १३ सीसीटीभी जडान
३ हप्ता अगाडि

स्याङ्जा : स्याङ्जाको अर्जुनचौपारी गाउँपालिका–१ स्थित बजार क्षेत्रमा शान्ति–सुरक्षा सुदृढ बनाउने तथा अपराध नियन्त्रण र अनुसन्धानलाई प्रभावकारी बनाउने उद्देश्यले १३…

वालिङमा शिक्षक मेन्टरिङ तालिम सम्पन्न, नवप्रवेशी शिक्षकलाई प्रमाणपत्र
३ हप्ता अगाडि
वालिङले ‘एक स्वास्थ्य’ नीति लागू गर्ने
३ हप्ता अगाडि
हल गोरु पाल्ने कृषकलाई पाँच हजार
३ हप्ता अगाडि

Recent Posts

TOP