ठुलो दुर्घटनाबाट बचे स्याङ्जा आएका मन्त्री रघुबिर महासेठ (भिडियो सहित)

मन्त्री सवार गाडी खोलामा डुबेपछि मन्त्रीलाई निकालिदै । तस्बिर अर्जुन काफ्ले

आँधीखोला खवर/ अर्जुनचौपारी :
भौतिक पुर्वाधार तथा यातायात मन्त्री रघुबिर महासेठ सवार गाडी अर्जुन चौपारी ३ घट्टे दरौ खोला डुबेको छ । सहरे खोला पुलको शिलन्यास गरी फर्कने क्रममा मन्त्री सवार गाडी खोलामा डुबेको हो ।
बा २ झ ४०२९ नम्बरको गाडी खोलामा आधा डुबे पनि सुरक्षाकर्मीको सहयोगमा मन्त्री महासेठलाई बाहिर निकालिएको थियो । गाडी खोला तर्ने क्रममा डुबे पनि मन्त्री भने सकुसल रहनु भएको छ । त्यस्तै खोलामा डुवेको सवारी साधन जेसिबीको सहयोगमा बाहिर निकालिएको छ । खोला बढे सँगै बिग्रीएको बाटोलाई मर्मत गरिएको थियो तर मन्त्रीका सवारी चालकलाई ग्रामिण सडकको बारेमा राम्रो जानकारी नहुँदा दुर्घटना हुन पुगेको बताईएको छ ।