वालिङ—१४ बाँयखोलामा बहुद्देश्यीय भवन निमार्ण हुदै ।

आँधीखोला खवर/ वालिङ :

वालिङ नगरपालिका वडा नम्वर १४ बाँयखोला/चालिसेमा बहुद्देश्यीय सामुदायिक भवनको निर्माण शुरु गरिएको छ । स्थानीय नवदुर्गा आमा समुह तथा नवदुर्गा कृषि समुहको सक्रियतामा भवनको निमार्ण कार्य शुरु गरिएको हो । वालिङ नगरपालिकाको रु ५ लाख,आमा समूहको ३ लाख तथा २ लाख बराबर जनश्रमदान लाग्ने स्थानीय डोलराज डुम्रेले जानकारी दिनुभयो । २ तले भवन आगामी बर्ष सम्ममा निमार्ण गरी सक्ने लक्ष्य रहेको निर्माण समितिका अध्यक्ष हिमलाल डुम्रेले जानकारी दिनुभयो ।

बहुद्देश्यीय सामुदायिक भवनको निर्माण सम्पन्न भए पछि तरकारी तथा फलफुल संकलन केन्द्र कृषि सहकारीको कार्यालय, आमा समुह तथा क्लवको कार्यालय, पुस्तकालय लगायत रहने नवदुर्गा आमा समुहका अध्यक्ष शोभा डुम्रेले जानकारी दिनुभयो । बहुद्देश्यीय भवन आफूहरुलाई निक्कै उपयोगी हुने जनसेवा प्राविका प्रधानाध्यापक मुक्ती डुम्रेले बताउनुभयो ।