एमाले वालिङको अधिबेशन शुक्रवार सम्मका लागि स्थगित, पुतलीबजारमा जुट्यो सहमती ।

स्याङ्जा :
नेकपा एमालेको महाधिवेशन अन्तर्गत पालिका अधिवेशन गरिरहेको छ । ११ वटा पालिका रहेको स्याङ्जामा १० वटा पालिकामा पुर्णरुपमा अधिवेशन सम्पन्न भईसकेको छ भने वालिङमा सहमतीको प्रयास जारी रहेको नेकपा एमालेले जनाएको छ ।
पुतलीबजार नगरपालिकामा आज सहमतिका आधारमा नेतृत्व टुंगो लागेको एमाले स्याङ्जाका अध्यक्ष सूर्य प्रसाद गैह्रे पारसले जानकारी दिनुभयो ।
यता वालिङमा भने सहमतीको प्रयासका लागि भन्दै शुक्रवार सम्मका लागि अधिवेशन स्थगित भएको छ । अध्यक्षमा शोभाकान्त पौडेल र पुण्य प्रसाद अर्यालको दावी रहेको छ । वालिङमा अन्य पदमा कुरा मिल्ने देखिए पनि अध्यक्ष र उपसचिवमा भने बिबाद रहेको छ ।
पौडेललाई पूर्व मन्त्री अर्यालको समर्थन रहेको छ भने अर्याललाई प्रदेश सांसद मोहन रेग्मी लगायतको समर्थन रहेको बताईएको छ । अर्याल यस अघि नगरप्रमुखको प्रत्यासी समेत रहेका थिए भने पौडेल एमाले नगरसचिव रहेका थिए ।
निर्वाचन समितिले भने केन्द्रको निर्देशन अनुशार सहमतीको प्रयासका लागि शुक्रवार सम्मका लागि अधिवेशन स्थगित गरिएको जनाएको छ ।

Facebook Comments Box