एनआईएमबीको वित्तीय साक्षरता

प्रकाश डोटेल/स्याङ्जा :

नेपाल इन्भेष्टमेण्ट मेगा बैंक पुतलीबजार शाखाको आयोजनामा जिल्ला सदरमुकामस्थित एक विद्यालयमा वित्तीय साक्षरता कार्यक्रम सम्पन्न भएको छ । विशेष गरेर विद्यार्थी वर्गलाई लक्षित गरी वित्तीय साक्षरता कार्यक्रम सम्पन्न भएको हो ।

वित्तीय साक्षरता कार्यक्रममा जिल्ला सदरमुकामको रोशनी आवासिय माध्यमिक विद्यालयका शिक्षक, शिक्षिका, कक्षा ११ र १२ का विद्यार्थीहरुको सहभागिता रहेको थियो । सहभागिलाई बैंकका शाखा प्रबन्धक चक्र बश्याल र कर्मचारी अस्मिता ढकालले सहजीकरण गरेका थिए ।

कार्यक्रममा सहभागिहरुलाई सहजीकरण गर्दै प्रबन्धक बश्याल र ढकालले बचत गर्ने बानीको विकासले मानिसलाई धनी बन्न सहज हुने बताए । बचत रकमको परिचलानबाट आर्थिक उपार्जन र आर्थिक उपार्जनबाट प्राप्त गरिने उपलब्धीहरुका बारेमा उनीहरुले जानकारी दिएका थिए ।

विश्वभर मार्च १६ देखि २२ सम्म साताव्यापी रुपमा मनाईएको ‘ग्लोबल मनी वीक’ का अवसरमा वित्तीय साक्षरता कार्यक्रम गरिएको बैंकको पुतलीबजार शाखाले जनाएको छ । वित्तीय साक्षरता कार्यक्रम अगाडी प्रगतीनगर बजार क्षेत्रमा सचेतना ¥याली निकालिएको थियो ।

नेपाल इन्भेष्टमेण्ट मेगा बैंकले विभिन्न अवसरमा रचनात्मक कार्यक्रम गर्दै आएको छ । बैंकले सामाजिक उत्तरदायित्व अन्र्तगत विद्यालय, विपन्न परिवार रहेको समुदायलाई लक्षित कार्यक्रम समेत गर्दै आएको जनाएको छ ।

Facebook Comments Box