नविल बैंक वालिङ शाखाद्वारा राहत रकम प्रदान

प्रकाश डोटेल/
स्याङ्जा, जेठ ७ :

नविल बैंक लिमिटेड वालिङ शाखा कार्यालयले सेवाग्राहीलाई राहत रकम प्रदान गरेमने छ । घातक रोग लागेमा तथा मृत्यु भएमा सेवाग्राहीलाई राहत स्वरुप लपलब्ध गराउने रकम स्याङ्जाको एक परिवारलाई प्रदान गरेको हो ।

चापाकोट नगरपालिका ३ दिसिङ्कोटकी कृष्ण कुमारी सारुका श्रीमान श्याम बहादुर थापालाई उक्त रकम प्रदान गरिएको छ । सारुको उपचार खर्च ३ लाख रुपैयाँ र क्रिया खर्च वापत ७५ हजार गरी ३ लाख ७५ हजार रुपैयाँ प्रदान गरिएको बैंकका शाखा प्रमुख विशाल बरालले जानकारी दिए ।

बैंकले घातक रोग लागेमा उपचार खर्च ३ लाख र मृत्यु भएमा क्रिया खर्च वापत ७५ हजार रुपैयाँ उपलब्ध गराउँदै आएको छ । बैंकले दिएको जानकारी अनुसार १६ वर्षदेखि ६५ वर्ष उमेरका सेवाग्राहीले खातामा न्यूनतम ३५ हजार जम्मा गरेमा राहत स्वरुप रकम पाउने छन् ।

Facebook Comments Box