पछिल्लो २४ घण्टामा १९२० मा कोरोना, २४ जनाको मृत्यु ।

काठमाडौं :
स्वास्थ्य तथा जनसंख्या मन्त्रालयको अनुसार पछिल्लो २४ घण्टामा देशभर १ हजार ९ सय २० कोरोना संक्रमित भएका छन भने २४ जनाको मृत्यु भएको छ । जम्मा ९ हजार ४ सय ४३ पीसीआर र ३ हजार ७३ जनाको एन्टीजेन परीक्षणमा उक्त संख्यामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

त्यस्तै पछिल्लो २४ घण्टामा २ हजार २ सय ४८ जना संक्रमित निको हुँदा देशभर निको हुनेको संख्या ६ लाख ९८ हजार १ सय ७३ पुगेको छ । पछिल्लो २४ घण्टामा थपिएका २४ जना सँगै हालसम्म कोरोना संक्रमणबाट मृत्यु हुनेको कुल संख्या १० हजार ५०९ पुगेको छ । हाल ३५ हजार ५ सय ५५ जना होम आइसोलेसन र ३ हजार १ सय ९६ जना संस्थागत आइसोलेसनमा छन् । ४ सय २१ जना क्वारेन्टाइन, ६ सय ८१ जना आईसीयू र १ सय ६९ जना भेन्टिलेटरमा रहेको मन्त्रालयले जनाएको छ ।

Facebook Comments Box