पछिल्लो २४ घण्टामा स्याङ्गजाका २९ सहित गण्डकीका ४३८ जनामा कोरोना, ७ को मृत्यु ।

पोखरा:

प्रदेश स्वास्थ्य निर्देशनालयको दैनिक कोरोना सम्बन्धी विज्ञप्ति अनुसार पछिल्लो २४ घण्टामा स्याङ्गजाका २९ सहित गण्डकीका ४३८ जनामा कोरोना संक्रमण पुष्टि भएको छ भने ७ जनाको ज्यान गएको छ । जम्मा १२०४ जनामा गरिएको नमुना परीक्षणमा ४३८ जनाको रिपोर्ट कोरोना पोजेटिभ आएको हो ।

आज संक्रमण पुष्टि हुनेमा स्याङ्गजाका २९ सहित कास्कीका १७९ जना, तनहुँका २० जना, गोरखाका २० जना, लमजुङका २५ जना, नवलपुरका ७४ जना, पर्वतका ३ जना, बागलुङका ६१ जना, म्याग्दीका २० जना र मनाङ जिल्लाका सात जनाको परीक्षण रिपोर्ट कोरोना पोजेटिभ आएको जारी विज्ञप्तिमा जनाइएको छ ।

आज थपिएकासंगै गण्डकीमा कोरोना संक्रमितको कूल संख्या ६२ हजार ३६१ पुगेको छ । पछिल्लो २४ घण्टामा गण्डकीबाट २६९ जना कोरोनामुक्त भएका छन् । हालसम्म प्रदेशमा कोरोनामुक्त हुनेको संख्या ५८ हजार २९३ पुगेको छ।

त्यस्तै आज मृत्यु पुष्टि हुनेमा स्याङ्गजाका एक जना, म्याग्दीका एक जना, लमजुङका एक जना र कास्कीका चार जना रहेकाछन् ।

आज मृत्यु पुष्टि भएकासंगै गण्डकीमा कोरोना संक्रमणका कारण ज्यान गुमाउनेको संख्या १०३८ पुगेको छ ।

Facebook Comments Box