गण्डकी प्रदेशमा शनिबार ११९ संक्रमित थपिए,३ जनाको मृत्यु ।

 २१ मंसिर २०७७, आईतवार ०७:५४   | आँधीखोला समाचार डेस्क

गण्डकी प्रदेशमा शनिबार ११९ संक्रमित थपिए,३ जनाको मृत्यु  ।

गण्डकी प्रदेशमा कोरोना संक्रमितको संख्या १२ हजार ५ सय ९८ पुगेको छ । शनिबार १ सय १९ संक्रमित थपिएका छन् । ४ सय ७३ स्वाब परीक्षण गर्दा ९ जिल्लाका १ सय १९ जनामा कोरोना पुष्टि भएको हो ।

कास्कीका ५९, लमजुङका २१, बागलुङका १८, गोरखाका ७, तनहुँका ६, म्याग्दीका ३, पर्वत र मुस्ताङका २/२ र स्याङ्जाका १ जनामा पोजेटिभ देखिएको हाे ।

कुल संक्रमितमध्ये ७ हजार २ सय ९२ जना निको भएका छन् । प्रदेशमा हाल ५ हजार १ सय ४० सक्रिय संक्रमित छन् । तीमध्ये ३८ सय ६८ जना होम आइसोलेसनमा रहेको निर्देशनालयको तथ्यांक छ ।

यस्तै प्रदेशमा थप ३ जना कोरोना संक्रमितको मृत्यु भएको छ । सबै मृतक पोखराका हुन् ।

प्रदेश स्वास्थ्य निर्देशनालयका अनुसार २ पुरुषको शनिबार बिहान र १ महिलाको शुक्रबार राति मृत्यु भएको हो । योसहित गण्डकीमा कोरोना संक्रमणबाट मृत्यु हुनेको संख्या १ सय ६६ पुगेको छ ।

Facebook Comments
यो पनि पड्नुहोस..  गण्डकी प्रदेशमा संक्रमितकाे संख्या २ हजार नाघ्याे,थप २७ जनामा संक्रमण पुष्टी ।

अन्तिम अपडेट: २१ मंसिर २०७७, आईतवार ०७:५४





-->