गण्डकी प्रदेशमा थप ३ जना काेराेना संक्रिमतकाे मृत्यु ।

स्याङजा : गण्डकी प्रदेशका थप ३ जना काेराेना संक्रिमतकाे मृत्यु भएकाे छ । याेसँगै गण्डकीमा काेराेनाका कारण ज्यान गुमाउनेकाे संख्या २७ पुगेकाे छ ।

प्रदेश स्वास्थ्य निर्देशनालय गण्डकीका अनुसार ३ जनाकै मृत्यु काठमाडाैंका विभिन्न अस्पतालमा भएकाे हाे ।

तनहुँकाे आबुखैरेनी गाउँपालिका ४ निवासी ७६ वर्षीया महिलाकाे मनमाेहन कार्डियाे भास्कुलर उपचार केन्द्र शिक्षण अस्पतालमा भदाै २४ गते मृत्यु भएकाे हाे । उनलाई मुटुसम्बन्धी समस्या थियाे ।

त्यस्तै गाेरखाकाे भीमसेन थापा ३ का ४५ वर्षे पुरुषकाे पनि टिचिङ अस्पतालमा भदाै २७ गते मृत्यु भएकाे हाे । उनमा मृगाैलासम्बन्धी समस्या थियाे ।

यस्तै कास्कीकाे मादी ४ घर भएर काठमाडाै‌ं नयाँबजार बस्ने ५१ वर्षे पुरुषकाे सशस्त्र प्रहरी बल अस्पताल बलम्बुमा भदाै २७ गते निधन भएकाे छ । उनलाई क्यान्सर र हाइपाेथाइरािजमकाे समस्या थियाे ।

काेराेना संक्रमितकाे मृत्यु जहाँ भए पनि स्वास्थ्य मन्त्रालयले रेकर्ड राख्दा जुन प्रदेशकाे ठेगाना हाे त्यही अनुसार राख्ने गरेकाे छ ।

Facebook Comments Box