स्याङ्जा सहित गण्डकी प्रदेशमा आज मात्रै थपिए ९१ जना संक्रमित,दुई जनाको मृत्यु ।

 २९ भाद्र २०७७, सोमबार २०:३७   | आँधीखोला समाचार डेस्क

स्याङ्जा सहित गण्डकी प्रदेशमा आज मात्रै थपिए ९१ जना संक्रमित,दुई जनाको मृत्यु ।

स्याङ्जा :
गण्डकी प्रदेशमा सोमबार ९१ जना कोरोना संक्रमित थपिएकाछन । त्यस्तै थप दुई जना संक्रमितको ज्यान गएको छ ।
यो सहित गण्डकीमा ३ हजार ६४ जनामा हालसम्म कोरोना पुष्टि भएको छ ।
आइतबार सबै भन्दा धेरै कास्कीमा ५४ जना थपिएकाछन् त्यस्तै तनहुँमा १८ जना,गोरखामा नौं जना, नवलपरासी बर्दघाट सुस्ता पूर्बमा चार जना, लमजुङमा ३ जना, बाग्लुङमा दुई जना र स्याङजाका एक जनामा कोरोना पुष्टी भएको हो ।
यस्तै थप दुई जनाको मृत्यु भएको छ । नवलपरासी बर्दघाट सुस्ता पूर्बका दुई जनाको मृत्यु भएको हो ।
गण्डकी प्रदेश स्वास्थ्य निर्देशनालयका अनुशार नवलपरासी बर्दघाट सुस्ता पूर्बको मध्य बिन्दु नगरपालिका वडा नम्वर १ का ६० बर्षका पुरुषको उपचारका क्रममा मृत्यु भएको हो । निमोनिया र श्वासप्रश्वासका बिरामी उनको रुपन्देहीको लुम्बिनी अस्पतालमा मृत्यु भएको स्वास्थ्य निर्देशक डाक्टर बिनोद बिन्दु शर्माले जानकारी दिनुभयो ।
त्यस्तै गैडाकोट ९ का ६२ बर्षका एक महिलाको चितवनको भरतपुर अस्पतालमा उपचारका क्रममा मृत्यु भएको हो । यो सहित गण्डकीमा हालसम्म २९ जनाको कोरोना संक्रमितकाे मृत्यु भएको छ ।

.

Facebook Comments

अन्तिम अपडेट: २९ भाद्र २०७७, सोमबार २०:३७





-->