स्याङजाका २ जना सहित गण्डकी प्रदेशमा एकै दिन थपिए १०४ जना सङक्रमित ।

स्याङजा :
स्याङजाका २ जना सहित गण्डकी प्रदेशमा आईतबार एकै दिन थपिए १०४ जना सङक्रमित थपिएकाछन् ।
गण्डकी प्रदेश स्वास्थ्य निर्देशनालयले जारी गरेको विज्ञप्ती अनुसार वालिङ र चापाकोटमा गरी दुई जना सङक्रमित थपिएका हुन ।
वालिङ नगरपालिका वडा नम्वर १ का ३० वर्षीय पुरुष र चापाकोट नगरपालिका वडा नम्वर १ का ३८ वर्षीय पुरुषमा सङक्रमण पुष्टी भएको हो । उनीहरु दुवैजना भारतबाट आई क्वारेन्टीनमा बसेका व्यक्ती भएको स्वास्थ्य कार्यालयले जनाएको छ ।
यो सहित स्याङजामा सक्रमितको संख्या तीन सय ९४ पुगेको छ । जस मध्ये तीन सय ७३ जना निको भएका छन् भने तीन जनाको निधन भएको छ ।
यसैबीच
आज थपिने संक्रमितहरुमा कास्कीका २४ जना, बाग्लुङका ३१ जना, लमजुङका २१ जना,तनहुँ ६ जना पर्बत दुई जना र नवलपरासी बर्दघाट सुस्तापूर्बका १८ जना रहेकाछन् ।
यो सहित गण्डकी प्रदेशमा संक्रमितको संख्या तीन हजार सात सय ७७ पुगेको छ जस मध्ये दुई हजार छ सय ८९ जना निको भएकाछन् । संक्रमित मध्ये ३३ जनाको मृत्यु भएको छ ।

Facebook Comments Box