स्याङ्जामा थपिए दुई महिला सहित १० जना संक्रमित,जिल्लामा संक्रमितको संख्या ८६

स्याङ्जा :
स्याङ्जामा एक महिला सहित १० जना संक्रमित थपिएकाछन् । यो सँगै जिल्लामा संक्रमितको संख्या ८६ पुगेको छ ।
आज चापाकोट नगरपालिकाका ६ जना थपिएकाछन् । जसमा १८,२१,२१,२१ र ३३ बर्षका पुरुष र ३० बर्षकी महिला रहेकीछन् । त्यस्तै गल्याङ नगरपालिकाकामा १ महिला सहित ४ जना थपिएकाछन् । नयाँ संक्रमितमा २०,२६ र ४६ बर्षका पुरुष र ४५ बर्षका महिला रहेकाछन् ।
उनीहरुसबै भारतबाट आई क्वारेन्टीनमा बसिररहेका प्रदेश स्वास्थ्य निर्देशनालय पोखराले जनाएको छ ।
स्याङ्जाका ८६ जना संक्रमित मध्ये ८ जना निको भएर घर फर्किएकाछन् भने १ जनाको निधन भएको छ । जिल्लाको फेदीखोला गाँउपालिका बाहेक सबै पालिकामा संक्रमित फेला परिसकेकाछन् ।
स्याङ्जामा अहिले सम्म पुष्टी भएका संक्रमित मध्ये गल्याङका २ जना बाहेक सबै भारतबाट आएका बताईएको छ ।

Facebook Comments Box