२४ घण्टामा थप ४५१ जनामा कोरोना संक्रमण, ६२११ पुगे संक्रमित

नेपालमा कोरोना संक्रमित ४ सय ५१ जना थपिएका छन्। स्वास्थ्य तथा जनसंख्या मन्त्रालयले गरेको नियमित पत्रकार सम्मेलनमा ४ सय ५१ जना संक्रमित थपिएको सोमबार जानकारी दिइएको हो।यीमध्ये ३५ जना महिला हुन् भने ४ सय १६ जना पुरुष छन्।

मन्त्रालयका प्रवक्ता डा. जागेश्वर गौतमले १ हजार ४१ जना डिस्चार्ज भएको बताउनु भयाे ।

आज थपिएकासहित नेपालमा संक्रमितको संख्या ६ हजार २ सय ११ पुगेको प्रवक्ता डा गौतमले जानकारी दिनुभयाे ।

प्रवक्ता डा गौतमका अनुसार हालसम्म देशका ७३ जिल्लामा संक्रमण देखिएको छ। नेपालमा शनिबारसम्म १९ जनाको भने कोरोना संक्रमणका कारण मृत्यु भएको मन्त्रालयले जानकारी दिएको छ।

Facebook Comments Box