कालिकाको केन्द्र प्रमुखहरुको गोष्ठी पुतलीबजारमा सम्पन्न

आँधीखोला खवर / स्याङ्जा :
कालिका लघुवित्त वित्तीय संस्था लिमिटेड बाडखोला शाखा अन्तर्गत लघुवित्त कारोवार गर्ने ४६ वटा केन्द्रका केन्द्र प्रमुखहरुको वार्षिक कार्यशाला गोष्ठी सम्पन्न भएको छ । गोष्ठीमा संस्थाका सञ्चालक समिति सदस्य नित्यानन्द तिवारीले संस्थाको विविध गतिविधि बारे जानकारी गराउनु भएको थियो । कार्यक्रममा शाखाको प्रगति विवरण शाखा प्रमुख रजनी पंगेनीले प्रस्तुत गर्नु भएको थियो ।
गोष्ठीमा कर्जा तथा जोखिम व्यवस्थापन विभाग प्रमुख राजेश श्रेष्ठले वित्तीय अनुशासनको बारेमा जानकारी दिंदै संस्थाको नयाँ सेवा सुविधाहरु एवं बचत तथा कर्जाको कार्यक्रमहरुको बारेमा उपस्थितहरुलाई जानकारी दिनुभयो ।

कार्यक्रममा उठेका गुनासोहरुको संस्थाका सहायक प्रमुख कार्यकारी अधिकृत शिवराम जोशी एवं कर्जा तथा जोखिम व्यवस्थापन विभाग प्रमुख राजेश श्रेष्ठले सम्बोधन गरेका थिए । आगामी दिनमा सदस्यहरुको क्षमता तथा सीप अभिबृद्धि तथा सामाजिक र आर्थिक स्तर बढाउँदै लाने कार्यक्रमहरुलाई प्राथमिकता दिंदै जाने सहायक प्रमुख कार्यकारी अधिकृत जोशीले जनकारी दिनुभयो ।
वाडखोला शाखाको केन्द्र नं. ३० का राम कालिका महिला विकास केन्द्रका प्रमुख सुमित्रा कार्कीले हरेक क्षेत्रमा लघुवित्त संस्थाहरु बढ्दै गएको अवस्थामा सदस्यहरुले अब छान्नुपर्ने दिन आएको बताउनुभयो ।
कार्यक्रम सञ्चालन योजना तथा अनुगमन विभाग प्रमुख याम प्रसाद अर्यालले गर्नु भएको थियो ।
कार्यक्रममा शाखामा उत्कृष्ट कारोवार गरेका केन्द्रहरुलाई नगद र प्रमाणपत्र सहित पुरस्कृत गरिएको थियो भने असल सदस्यहरुलाई प्रशंसा पत्रबाट सम्मानित गरिएको थियो ।

Facebook Comments Box