जुनियर तथा युवा रेडक्रसको जिल्ला स्तरीय गोष्ठी शुरु । (फोटो फिचर सहित)

आँधीखोला खवर/ चापाकोट :
जुनियर तथा युवा रेडक्रस सर्कलको ३२ औं जिल्ला स्तरीय गोष्ठी शुरु भएको छ । राममन्दिर मावि चापाकोट ४ को आतिथ्यता तथा नेपाल रेडक्रस सोसाईटी स्याङ्जाको आयोजनामा दुई दिने गोष्ठी शुरु भएको हो ।
गोष्ठीमा स्याङजाका ६९ विद्यालयका झण्डै २ सय जना प्रतिनिधीहरुको सहभागिता रहेको छ । गोष्ठीको उद्दघाटन गर्दै चापाकोट नगरपालिकाका प्रमुख शिव कुमार गिरीले रेडक्रस मार्फत नै मानवीय सेवामा महत्वपूर्ण सहयोग पुग्ने बताउनु भयो । उहाँले रेडक्रसको गोष्ठी चापाकोटमा आयोजना गरेको भन्दै जिल्ला शाखालाई धन्यवाद समेत दिनुभयो ।
कार्यक्रममा नेपाल रेडक्रस सोसाईटी स्याङ्जा शाखाको सभापती भुवन बहादुर पौडेल,मन्त्री दिनेश अर्याल, वडा अध्यक्ष विक्रम सारु, जुनियर तथा युवा रेडक्रस स्याङ्जाका संयोजक पशुपती पौडेल, । राममन्दिर माविका प्रधानाध्यापक अर्जुन खाँण, शिक्षक नायक बलराम गिरी लगायतले बोलेका थिए । गोष्ठी भोलि सकिनेछ ।

फोटो फिचर सहित

• 
  फोटो फिचर विश्वास पुरीको सहयोगमा तयार पारिएको
  हो ।