कर्मचारी यूनियनद्धारा सेवानिवृत्त कर्मचारीलाई सम्मान सहित बिदाई

स्याङ्जा :

नेपाल कर्मचारी यूनियन पुतलीबजार नगरपालिकाले सेवा निबृत्त कर्मचारीहरुलाई सम्मान तथा विदाई गरेको छ ।

लामो समयसम्म पुतलीबजार नगरपालिकामा सेवागरी हालै सेवानिबृत्त हुनु भएका डालबहादुर कुँवर र अणप्रसाद पौडेललाई कार्यक्रम आयोजनागरी सम्मान सहित विदाई गरिएको हो ।

जिल्ला स्वास्थ्य कार्यालय एवं तत्कालिन जिल्ला विकास समिति तथा नगरपालिकाका बिभिन्न वडामा गरी २७ बर्ष सेवा गर्नुभएका डालबहादुर कुँबर र पुतलीबजार नगरपालिकामा २३ बर्ष सेवागरी निबृत्त हुनु भएका अणप्रसाद पौडेललाई दोसल्ला सहित सम्मानपत्रद्धारा सम्मान सहित विदाई गरिएको हो ।

सम्मान सहित विदाई कार्यक्रममा बोल्दै नगरप्रमुख तुलसीराम रेग्मीले लामो समयसम्म सरकारी सेवामा समर्पित दुबै जनाका आगामी दिन समाजसेवामा समर्पित गर्न सुझाव दिनुभयो । सरकारी सेवाका ज्ञान, सीप र अनुभवलाई समाजसेवामा लगानी गर्न समेत उहाको आग्रह छ ।

कार्यक्रममा उपप्रमुख देवी अर्याल, नेपा निजामति कर्मचारी यूनियन जिल्ला सचिव राजेन्द्र पराजुली, अपांग समाज गण्डकी प्रदेशका बिज्ञ सदस्य युवराज पराजुली, सम्मानित ब्यक्तित्व डालबहादुर कुँबर लगायतले शुभकामना मन्तब्य ब्यक्त गर्नुभएको थियो ।

नेपाल कर्मचारी यूनियनका अध्यक्ष रामप्रसाद शर्माको अध्यक्षतामा सम्पन्न कार्यक्रमको संचालन सचिव नेत्रनारायण अधिकारीले गर्नुभएको थियो ।