गण्डकी प्रदेशमा बिहिबार १०३ संक्रमित थपिए, थप ४ को मृत्यु ।

स्याङ्जा :

गण्डकी प्रदेशमा बिहिबार १ सय ३ जना कोरोना संक्रमित थपिएका छन् । २ सय ९३ जनाको कोरोना परिक्षण गर्दा १ सय ३ जनामा कोरोना पुष्टि भएको हो ।

बिहिबार थपिनेमध्ये ६१ जना कास्कीका छन् । लमजुङमा १८, बागलुङमा ७, गोरखामा ६ संक्रमित थपिँदा तनहुँमा ४, पर्वतमा ३, स्याङ्जामा २ र नवलपुरमा १ जनामा संक्रमण पुष्टि भएको छ ।

यससँगै गण्डकीमा कोरोना संक्रमितको संख्या १३ हजार ७९ पुगेको छ । तीमध्ये ७ हजार ५ सय ६१ जना निको भएका छन् ।

यसैबीच गण्डकी प्रदेशमा थप ४ कोरोना संक्रमितको मृत्यु भएको छ । मृतक ४ जना मध्ये कास्कीका ३ र तनहुँका १ जना छन् ।

याे सहित गण्डकी प्रदेशमा कोरोना संक्रमणबाट मृत्यु हुनेको संख्या १ सय ८० पुगेको छ ।