गण्डकी : स्याङजाका ५ जना सहित थप ५२ जनामा संक्रमण पुष्टि ।

पाेखरा : गण्डकी प्रदेशमा कोरोना संक्रमितको सङ्ख्या पाँच हजार ६८५ पुगेको छ । प्रदेशमा आइतबार थप ५२ जनामा संक्रमण पुष्टि भएको छ ।

संक्रमित सबैको आइसोलेसनको व्यवस्थापनको तयारी भइरहेको गण्डकी प्रदेश स्वास्थ्य निर्देशनालयका निर्देशक एवम् गण्डकी प्रदेश कोरोना नियन्त्रण तथा रोकथाम कार्यक्रमका प्रवक्ता डा विनोदविन्दु शर्माले जानकारी दिए ।

प्रदेशमा हालसम्म ८० हजार ३९० जनाको कोरोना परीक्षण गरिएको छ । कोरोना संक्रमणका कारण हालसम्म ५० जनाको मृत्यु भएको छ भने तीन हजार ४८८ जना निको भएका छन् ।

यसैबीच, स्याङ्जामा थप ५ जनामा कोरोना संक्रमण पुष्टि भएको छ ।

स्याङ्जाको चापाकोट नगरपालिकाका एक जना र वालिङ नगरपालिका चार जना गरी थप ५ जनामा कोरोना संक्रमण पुष्टि भएको हो ।

वालिङ नगरपालिका वडा नं ६ का २१, २६ र २६ पुरुषहरु र वडा नं १४ की २६ वर्षीय महिला तथा चापाकोट वडा नं ३ का २४ वर्षीय पुरुष गरी ५ जना कोरोना सङ्क्रमित थपिएको हाे ।

Facebook Comments Box