गण्डकीका पाँच जिल्लामा थपिए १३ जना कोरोना संक्रमित

स्याङजा, गण्डकी प्रदेशमा थप १३ जनामा कोरोना संक्रमण पुष्‍टि भएको छ।

नयाँ संक्रमितहरूमा तनहुँका आठजना, नवलपरासी बर्दघाट सूस्तापूर्वमा दुई, पर्वत, बागलुङ र गोरखामा एक/एक जना रहेका छन्।

पोखरास्थित क्षयरोग उपचार केन्द्रमा गरिएको परीक्षणमा १० र पोखरा स्वास्थ्य विज्ञान प्रतिष्‍ठानमा गरिएको परीक्षणमा तीनजनामा कोभिड-१९ पुष्‍टि भएको गण्डकी प्रदेश स्वास्थ्य निर्देशनालयले जनाएको छ।

गण्डकीमा कूल संक्रमित ११६२ मध्ये ६३३ जना संक्रमणमुक्त भएर घर फर्किएका छन्। त्यस्तै चार जनाकाे निधन भएकाे छ ।

Facebook Comments Box