२४ घन्टामा ३४७ मा कोरोना संक्रमण, २ जनाको मृत्यु ।

 

काठमाण्डौ:
नेपालमा पछिल्लो २४ घन्टामा कोरोना भाइरसको संक्रमणबाट २ जनाको मृत्यु भएको छ भने ३४७ जना कोरोनाभाइरसका संक्रमित थपिएका छन्।

गत सोमबारपछि पहिलो पटक कोरोना संक्रमितले ज्यान गुमाएका हुन्। स्वास्थ्य तथा जनसंख्या मन्त्रालयका अनुसार ३८८८ जनाको परीक्षण गर्दा ३४७ जनामा संक्रमण पुष्टि भएको हो। उनीहरूमध्ये ३०३ जनाको पिसिआर र ४४ जनाको एन्टिजेनबाट परीक्षण गरिएको थियो।
पछिल्लो समय नेपालमा कोरोना संक्रमण बढिरहेको छ।
स्वास्थ्य मन्त्रालयले कोरोनाबाट बच्न आवश्यक मापदण्डको पालना गर्न अनुरोध गरेको छ।