थप ४३७ जनामा कोरोना भाइरसको संक्रमण ।

काठमाण्डौ:
देशभर ४३७ जनामा कोरोना भाइरसको संक्रमण पुष्टि भएको छ।

स्वास्थ्य तथा जनसंख्या मन्त्रालयका अनुसार शुक्रबार थप ४३७ जनामा कोरोना संक्रमण पुष्टि भएको हो। पछिल्लो २४ घण्टामा ९ हजार ९१ जनाको कोरोना परीक्षण गरिएको थियो।

५ हजार १३३ जनाको पिसिआर गर्दा २७५ जना र ३ हजार ९५८ जनाको एन्टिजेन परीक्षण गर्दा १६२ जनामा कोरोना संक्रमण पुष्टि भएको हो। शुक्रबार २ हजार ४५४ जना संक्रमणबाट निको समेत भएका छन्। यसको संक्रमणबाट दुई जनाको मृत्यु भएको छ। देशभर १४ हजार ४३५ जना सक्रिय संक्रमित छन्।