गण्डकीमा ५५३ जनामा कोरोना, ८ को मृत्यु ।

पोखरा:

प्रदेश स्वास्थ्य निर्देशनालयको दैनिक कोरोना सम्बन्धी विज्ञप्ति अनुसार पछिल्लो २४ घण्टामा गण्डकीमा ५५३ जनामा कोरोना भएको छ भने आठ जनाकोे मृत्यु भएको छ । जम्मा १२५३ जनामा गरिएको नमुना परीक्षणमा उक्त जनाको रिपोर्ट पोजेटिभ आएको हो ।

आज संक्रमण पुष्टि हुनेमा गण्डकीका नौ जिल्लाका छन् । जसअन्तर्गत कास्कीका १९७ जना, तनहुँका ५६ जना, गोरखाका ५६ जना, लमजुङका दुई जना र नवलपुरका ५० जना, स्याङ्गजाका ७४ जना, पर्वतका छ जना, बागलुङका ६६ जना र म्याग्दी जिल्लाका ४६ जनाको रिपोर्ट कोरोना पोजेटिभ आएको जारी विज्ञप्तिमा उल्लेख गरिएको छ।

आज थपिएकासंगै गण्डकीमा कोरोना संक्रमितको कूल संख्या ७३ हजार १८१ पुगेको छ ।

पछिल्लो २४ घण्टामा गण्डकीबाट ४६५ जना कोरोनामुक्त भएका छन् । योसंगै, प्रदेशमा कोरोनामुक्त हुनेको संख्या ६६ हजार ५६ पुगेको छ।

मंगलबार गण्डकीमा थप आठ जनाको मृत्यु पुष्टि भएको छ । आज मृत्यु पुष्टि हुनेमा नवलपुरका एक जना, म्याग्दीका एक जना, लमजुङका एक जना र कास्की पोखरा महानगरपालिकाका विभिन्न वडाका पाँच जना छन्।

आज मृत्यु पुष्टि भएकासंगै गण्डकीमा कोरोना संक्रमणका कारण ज्यान गुमाउनेको संख्या ११४९ पुगेको निर्देशनालयले जनाएको छ ।

Facebook Comments Box