देशभर थप ५०४२ जनामा कोरोना संक्रमण, ८२४३ संक्रमण मुक्त ।

काठमाण्डौ :

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा नेपालमा थप ५०४२ जनामा कोरोना संक्रमण पुष्टि भएको छ भने ८२४३ जना संक्रमणमुक्त भएका छन्। मन्त्रालयका अनुसार १६ हजार ८१४ परीक्षणमध्ये ११४७१ पिसिआरबाट ३५४० र ५३४३ एन्टिजेन परीक्षणबाट १५०२ जनामा कोरोना पोजेटिभ पुष्टि भएको हो।
२४ घण्टामा थप ६८ जना संक्रमितको मृत्यु भएको छ। यो सँगै देशभर कोरोनाले मृत्यु हुनेको संख्या ७ हजार ७ सय ९९ पुगेको छ।
यो अवधिमा ८ हजार २ सय ४३ जना संक्रमणमुक्त भएका छन् संक्रमणमुक्त हुने दर ८२ दशमलब ८ प्रतिशत पुगेको मन्त्रालयले जनाएको छ।