नेपाली कांग्रेसका यौद्धा पौडेल र मल्लको निधनप्रति कांग्रेसद्धारा दुख ब्यक्त

आँधीखोला समाचार डेस्क आँधीखोला समाचार डेस्क ६ जेष्ठ २०७८, बिहीबार २०:४४

भवानी अधिकारी/स्याङजा
यसैसाता नेपाली कांग्रेस स्याङजाका २ जना कर्मठ र निष्ठावान दुइ नेताको निधन भएको छ । दुई दिनको फरकमा नेपाली कांग्रेस महासमिति सदस्य, शिक्षासेवी एवं निर्माण ब्यवसायी गजिन्द्रप्रकाश मल्ल र लोकतान्त्रिक आन्दोलनका योद्धा स्थानेश्वर पौडेलको निधन भएको हो ।
उहाहरु दुवै जनाको निधनप्रति नेपाली कांग्रेस स्याङजाले शोक विज्ञप्ति प्रकाशित गरेको छ । कांग्रेसका कार्यवाहक सभापति बुद्धिबहादुर राना (कुमार) द्धारा हस्ताक्षरित विज्ञप्तिमा चापाकोट नगरपालिका ५ सेखाम जन्मथलोभई हाल पुतलीबजार नगरपालिका १ का मल्ल र आधीखोला गाउपालिका ३ बिचारीचौताराका पौडेलको निधनप्रति दुख ब्यक्त गर्दै शोक बिज्ञप्ति प्रकाशित गरेको हो ।
प्रकाशित बिज्ञप्तिमा स्याङजा स्थित नेपाली कांग्रेसको पाटी कार्यालय ३ दिन बन्द गर्ने, पाटीको झण्डा १३ दिनसम्म आधा झुकाउने र कार्यालयमा शोकपुस्तिका राख्ने निर्णय गरेको छ । उहाहरुका अमूल्य स्याङजा कांग्रेसका लागि अनुकरणीय रहेको र सधैंभरी सम्झन उल्ल्ो छ ।
स्वर्गिय पौडेलले २०१७ सालको राजनीतिक कु पछि नेपाली कांग्रेसमा आवद्ध भई राजनीति यात्रा शुरु गर्नु भएको हो । उहाँ गण्डकी छात्र संघको अध्यक्ष, स्याङजा पर्वत तरुण क्लवको संस्थापक अध्यक्ष हुदै नेपाली कांग्रेस स्याङजाको जिल्ला कार्यसमितिको सचिव भएर काम गरिसक्नु भएको छ । उहाँ विस २०४९ सालमा सम्पन्न स्थानीय निर्वाचनमा तत्कालिन बिचारीचौतारा गाउ विकास समितिको पहिलो निर्वाचित अध्यक्ष पनि हो । उहाका २ श्रीमती ३ छोरा र २ छोरी हुनुहुन्छ ।
यसैगरी, मल्लले पनि २०१७ सालको राजनीतिक कु पछि कांग्रेसका बिभिन्न आन्दोलनका मोर्चामा सहभागी हुनुभएको थियो । पञ्चायती शासन बिरुद्धको सशक्त आवाज उठाउदै प्रतिवन्धित समयमा नेपाली कांग्रेसको कोषाध्यक्ष , जिल्ला विकास समितिको २ पटकसम्म सदस्य हुनुभयो । निर्माण ब्यवसायी संघका संस्थापक अध्यक्ष र हाल संघका केन्द्रीय सदस्य हुनुहुन्थ्यो । उहाका श्रीमती, ३ छोरा र १ छोरी हुनुहुन्छ ।
नेपाली कांग्रेस स्याङजाको राजनीतिमा अब्बल प्रभाव पार्न सफल मल्लका माइला छोरा भागवतप्रकाश मल्लले बाबाकोे मार्ग अनुसरण गर्दे आउनुभएको छ । उहाँ गण्डकी प्रदेश सांसद हुनुहुन्छ । उहाले २०७४ सालको निर्वाचनमा स्याङजाको प्रदेशसभा २ वाट निर्वाचित हुनुभएको हो ।

Facebook Comments Box
यो पनि पड्नुहोस..  कालीगण्डकी–तिनाउ डाइभर्सन बहुउद्देश्यीय परियोजना, ठूलो विनाश हुने भएकाले निर्माण नगर्न स्थानीयको माग ।

ताजा अपडेट

धेरै कमेन्ट गरिएका