गण्डकीमा शनिबार २१० जनालाई कोरोना संक्रमण ।

स्याङ्जा : गण्डकी प्रदेशमा शनिबार २ सय १० कोरोना संक्रमित थपिएका छन् । प्रदेश क्षयरोग उपचार केन्द्र, पोखरा स्वास्थ्य विज्ञान प्रतिष्ठान र लाइफ केयर डाइग्नोस्टिक प्रालिमा गरिएको परीक्षणमा प्रदेशका ८ जिल्लाका २ सय १० जनामा पोजेटिभ देखिएको हो ।

शनिबार कोरोना पुष्टि हुनेमा सबैभन्दा धेरै कास्कीका १ सय ४८ जना रहेको प्रदेश स्वास्थ्य निर्देशनालयले जनाएको छ । पर्वतमा १८, तनहुँमा १४, म्याग्दीमा १०, गोरखामा ६, लमजुङ र स्याङ्जामा ५/५ र बागलुङमा ४ संक्रमित थपिएका छन् ।

प्रदेशमा योसँगै कुल कोरोना संक्रमितको संख्या १० हजार २ सय ८५ पुगेको छ । तीमध्ये ५ हजार ६० जना निको भएका छन् ।

गण्डकीमा कोरोना संक्रमणबाट ज्यान गुमाउनेको संख्या १ सय २३ पुगेको छ ।

कोरोनाबाट मृत्यु हुनेमा कास्कीका ५९, नवलपुरका १९, तनहुँका १५, स्याङ्जाका ११, गोरखाका र बागलुङका ८/८, म्याग्दीका २, पर्वत र लमजुङका १/१ जना छन् ।